എന്റെ കുഞ്ഞേ,
>> Saturday, January 17, 2009
പള്ളിക്കൂടം വിട്ടു വരുന്ന വഴിയില്
യാത്രയിലെന്നുമൊരു ശീല തരുമായിരുന്നു ഉമ്മ
ഉമ്മാ,
ഇന്നലെയെന് കൂടെക്കളിച്ചെന് കൂട്ടുകാരന്
ഇന്നെന്തിന്
തലയിലൊരു വെള്ളത്തുണിക്കീറ്... ?
ഞങ്ങളൊന്നിച്ച് കളിക്കേണ്ട നേരം
ആശുപത്രിയിലേക്കെന്നും പറഞ്ഞ്
ഇനിയവനെ കൊണ്ടു പോകരുത്...
അല്ലെങ്കിലും
ഇനിയുമവനെ കൊണ്ടു പോകാന്
പട്ടണത്തില് ആശുപത്രിയില്ലെന്ന്,
അത് പൊളിഞ്ഞു വീണെന്ന്
ഉമ്മ തന്നെ പറഞ്ഞില്ലേ...
ഉമ്മാ,
തിരികെവരുമ്പോള് കളിപ്പാട്ടം കൊണ്ടുവരാമെന്ന്
വെറുതെയെന്നെ കൊതിപ്പിച്ചിട്ട്
ഉപ്പയെന്തേ
ഇനിയും മടങ്ങിവരുന്നില്ല...
ഉമ്മാ,
അപ്പുറത്തെ വീട്ടില്
പുതിയ കുഞ്ഞുവാവയുണ്ടെന്ന്
കുഞ്ഞുവാവ ചിരിച്ചു കാണിക്കുന്നെന്ന്
കള്ളം പറഞ്ഞതെന്തിനെന്നോട്... ?
അവിടെ കുഞ്ഞു വാവയില്ല... താത്തയും....
ഉമ്മാ,
പകലുച്ചയായിട്ടുമെന്താണുമ്മാ
വെളിച്ചം വരാത്തത്...
ഇരുട്ടു നിറയുന്നത്..
പുക പടരുന്നത്...
ഉമ്മാ,
നോക്ക്...
നമ്മുടെ വീടൊരു ഭാഗം
പൊളിഞ്ഞുവീഴുന്നെന്നറിഞ്ഞിട്ടും
ഉമ്മയെന്തേ ഇനിയുമുണരുന്നില്ല... ... ?
ഉമ്മാ...